(1)

Ir-Regolament tal-Kunsill (UE) 2020/123 (2) jistabbilixxi l-kwoti għall-2020.

(2)

Skont it-tagħrif li rċeviet il-Kummissjoni, il-qabdiet tal-istokk tal-merlangu li, l-bastimenti li jtajru l-bandiera tal-Belġju jew li huma rreġistrati f’dak il-pajjiż, għamlu fiż-żona 8, eżawrew il-kwota allokata għalihom għall-2020.

(3)

Għalhekk jeħtieġ li jiġu pprojbiti ċerti attivitajiet tas-sajd għal dak l-istokk.

(1)

Ir-Regolament tal-Kunsill (UE) 2020/123 (2) jistabbilixxi l-kwoti għall-2020.

(2)

Skont it-tagħrif li rċeviet il-Kummissjoni, il-qabdiet tal-istokk tar-rebekkini u raj li, l-bastimenti li jtajru l-bandiera tal-Belġju jew li huma rreġistrati f’dak il-pajjiż, għamlu fl-ilmijiet tal-Unjoni taż-żoni 8 u 9 eżawrew il-kwota allokata għalihom għall-2020.

(3)

Għalhekk jeħtieġ li jiġu pprojbiti ċerti attivitajiet tas-sajd għal dak l-istokk.

(1)

Skont l-Artikolu 8 tar-Regolament (UE) 2015/2283, sal-1 ta’ Jannar 2018 il-Kummissjoni kellha tistabbilixxi l-lista tal-Unjoni tal-ikel ġdid awtorizzat jew notifikat skont ir-Regolament (KE) Nru 258/97 tal-Parlament Ewropew u tal-Kunsill (2).

(2)

Il-lista tal-Unjoni tal-ikel ġdid awtorizzat jew notifikat skont ir-Regolament (KE) Nru 258/97 ġiet stabbilita bir-Regolament ta’ Implimentazzjoni tal-Kummissjoni (UE) 2017/2470 (3).

(3)

Ir-Regolament ta’ Implimentazzjoni tal-Kummissjoni (UE) 2018/1023 (4) ikkoreġa l-lista inizjali tal-Unjoni ta’ ikel ġdid stabbilita fl-Anness tar-Regolament ta’ Implimentazzjoni (UE) 2017/2470 billi ssostitwixxa dak l-Anness. Sadanittant ġew adottati tmien Regolamenti ta’ Implimentazzjoni tal-Kummissjoni li jawtorizzaw it-tqegħid fis-suq ta’ ikel ġdid jew li jestendu l-użu ta’ ikel ġdid rispettivament: ir-Regolamenti (UE) 2018/460 (5), (UE) 2018/461 (6), (UE) 2018/462 (7), (UE) 2018/469 (8), (UE) 2018/991 (9), (UE) 2018/1011 (10), (UE) 2018/1018 (11), (UE) 2018/1032 (12). Dawk ir-Regolamenti ta’ Implimentazzjoni aġġornaw ukoll il-lista tal-Unjoni. Madankollu, dak l-ikel ġdid u l-estensjonijiet tal-użu ta’ ikel ġdid ma għadhomx jidhru fil-lista, kif sostitwita bir-Regolament ta’ Implimentazzjoni (UE) 2018/1023.

(4)

Għaldaqstant, għal raġunijiet ta’ ċarezza u ta’ ċertezza legali, jenħtieġ li l-lista tal-Unjoni ta’ ikel ġdid stabbilita fl-Anness tar-Regolament ta’ Implimentazzjoni (UE) 2017/2470 tiġi emendata biex tinkludi mill-ġdid dak l-ikel ġdid u dawk l-estensjonijiet tal-użu ta’ ikel ġdid fil-lista tal-Unjoni. Billi dak l-ikel ġdid u dawk l-estensjonijiet tal-użu ta’ ikel ġdid ġew inklużi fil-lista tal-Unjoni sad-dħul fis-seħħ tar-Regolament ta’ Implimentazzjoni (UE) 2018/1023 fit-13 ta’ Awwissu 2018, jenħtieġ li dan ir-Regolament japplika minn dik id-data.

(5)

Il-miżuri previsti f’dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

(1)

Ir-Regolament (KE) Nru 152/2009 (2) jistabbilixxi l-metodi ta’ ttestjar użati bħala appoġġ għall-kontrolli uffiċjali biex jinfurzaw il-projbizzjoni tal-użu tal-proteina tal-annimali fl-ikel u fl-għalf tal-annimali li jipproduċu l-ikel. Huma inklużi metodi ta’ analiżi għad-determinazzjoni ta’ kostitwenti ta’ oriġini mill-annimali għall-kontroll uffiċjali tal-għalf, li huma deskritti fl-Anness VI ta’ dak ir-Regolament u mwettqa permezz ta’ mikroskopija ottika jew ta’ reazzjoni katina bil-polimerażi (PCR).

(2)

Il-laboratorju ta’ referenza tal-Unjoni Ewropea għall-proteini tal-annimali fl-għalf u l-laboratorji ta’ referenza nazzjonali fl-Istati Membri kienu f’diffikultà biex jinterpretaw ir-riżultati wara l-implimentazzjoni tal-metodu tal-mikroskopija ottika deskritt fl-Anness VI tar-Regolament (KE) Nru 152/2009.

(3)

Sabiex jiġu żgurati ċ-ċarezza u ċ-ċertezza ġuridika u jiġu evitati interpretazzjonijiet diverġenti, huwa xieraq li jiġu emendati ċerti dispożizzjonijiet fl-Anness VI.

(4)

B’mod partikolari, jenħtieġ li tiġi emendata d-dijagramma sekwenzjali ta’ osservazzjoni għad-detezzjoni ta’ partikoli tal-annimali fl-għalf kompost u fil-materjal tal-għalf biex tiċċara s-sitwazzjonijiet meta tkun meħtieġa determinazzjoni waħda biss biex tiġi konkluża l-analiżi. Jenħtieġ ukoll li l-espressjoni tar-riżultati tkun aktar dettaljata. Fl-aħħar, jenħtieġ li l-karatteristiċi tat-tagħmir u l-preparazzjoni tal-kampjuni jkunu aġġustati, imsejsa fuq l-esperjenza miksuba matul l-aħħar sitt snin ta’ implimentazzjoni tal-metodu.

(5)

Għalhekk jenħtieġ li l-Anness VI tar-Regolament (KE) Nru 152/2009 jiġi emendat skont dan.

(6)

Il-miżuri previsti f’dan ir-Regolament huma f’konformità mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

(1)

Fis-6 ta’ Awwissu 2020, l-Ungerija talbet assistenza finanzjarja mill-Unjoni bil-ħsieb li tikkomplementa l-isforzi nazzjonali tagħha biex tindirizza l-impatt tat-tifqigħa tal-COVID-19 u tirreaġixxi għall-konsegwenzi soċjoekonomiċi tat-tifqigħa għall-ħaddiema u għal dawk li jaħdmu għal rashom.

(2)

It-tifqigħa tal-COVID-19 u l-miżuri straordinarji implimentati mill-Ungerija biex titrażżan it-tifqigħa u l-impatt soċjo-ekonomiku kif ukoll dak sanitarju tagħha huma mistennija li jkollhom impatt drammatiku fuq il-finanzi pubbliċi. Skont il-previżjoni tar-rebbiegħa 2020 tal-Kummissjoni, l-Ungerija kienet mistennija li jkollha defiċit u dejn tal-amministrazzjoni pubblika ta’ 5,2 % u 75,0 % tal-prodott domestiku gross (PDG) rispettivament sa tmiem l-2020. Skont il-previżjoni interim tas-sajf 2020 tal-Kummissjoni, il-PDG tal-Ungerija huwa previst li jonqos b’7,0 % fl-2020.

(3)

It-tifqigħa tal-COVID-19 ipparalizzat parti sostanzjali tal-forza tax-xogħol fl-Ungerija. Dan wassal għal żieda għal għarrieda u qawwija fin-nefqa pubblika fl-Ungerija fir-rigward ta’ miżuri simili għal skemi ta’ xogħol b’ħinijiet iqsar u miżuri relatati mas-saħħa, kif stabbilit fil-premessi (4) sa (14).

(4)

“Ir-Riżoluzzjoni tal-Gvern 2080/2020 dwar l-iżvilupp nazzjonali ta’ akkomodazzjoni”, kif imsemmi fit-talba tal-Ungerija tas-6 ta’ Awwissu 2020, introduċiet appoġġ temporanju għat-titjib tal-akkomodazzjoni (tibdil, espansjoni, rinovar ta’ bini, xiri ta’ tagħmir) f’destinazzjonijiet turistiċi biex tinżamm il-forza tax-xogħol eżistenti. Ġiet mitluba biss dik il-parti tan-nefqa relatata mal-appoġġ għal dawk li jaħdmu għal rashom u għall-kumpaniji b’membru wieħed. Il-miżura tista’ titqies li hija miżura simili għal skemi ta’ xogħol b’ħinijiet iqsar, kif imsemmija fir-Regolament (UE) 2020/672, peress li għandha l-għan li tipproteġi lil dawk li jaħdmu għal rashom jew kategoriji simili ta’ ħaddiema minn tnaqqis fl-introjtu jew it-telf tiegħu.

(5)

Id-“Digriet tal-Ministeru tal-Agrikoltura Nru 25/2020. (VI. 22.)” (2), “Digriet tal-Ministeru tal-Agrikoltura Nru 26/2020. (VI. 22.)” (3) u “d-Digriet tal-Ministeru tal-Agrikoltura Nru 30/2020. (VI. 22.)” (4), kif inhuma msemmija fit-talba tal-Ungerija tas-6 ta’ Awwissu 2020, introduċew għotja ta’ darba għal kumpaniji tal-ipproċessar tal-ikel, kumpaniji ortikulturali fis-setturi tat-tkabbir ta’ għelejjel mhux perenni u ta’ propagazzjoni tal-pjanti u l-kumpaniji ta’ trobbija tal-ħut rispettivament. L-appoġġ huwa kondizzjonali fuq l-entità li żżomm l-impjegati tagħha sa Diċembru 2020. Fir-rigward tal-parti tan-nefqa relatata mal-appoġġ għal dawk li jaħdmu għal rashom u kumpaniji b’membru wieħed, il-miżura tista’ titqies li hija miżura simili għal skemi ta’ xogħol b’ħinijiet iqsar, kif imsemmija fir-Regolament (UE) 2020/672, peress li għandha l-għan li tipproteġi lil dawk li jaħdmu għal rashom jew kategoriji simili ta’ ħaddiema minn tnaqqis fl-introjtu jew it-telf tiegħu.

(6)

“Id-Digriet tal-Gvern Nru 59/2020. (III. 23.) (5)” u “Att LVIII tal-2020” (6), kif inhuma msemmija fit-talba tal-Ungerija tas-6 ta’ Awwissu 2020, jestendu l-benefiċċji għat-tħaris tat-tfal u għal dawk li jaħdmu għal rashom, li jkunu skadew minħabba r-restrizzjonijiet ta’ età bejn il-11 ta’ Marzu 2020 u t-30 ta’ Ġunju 2020, li kien il-perijodu tal-istat ta’ allarm. Dawk il-benefiċċju tat-tħaris tat-tfal jistgħu jitqiesu li huma miżura simili għal skemi ta’ xogħol b’ħinijiet iqsar, kif imsemmija fir-Regolament (UE) 2020/672, minħabba li jipprovdu appoġġ ta’ introjtu għall-impjegati u lil dawk li jaħdmu għal rashom, li jgħin ikopri l-kostijiet tat-tħaris tat-tfal matul l-għeluq tal-iskejjel u għalhekk jgħin lill-ġenituri jkomplu jaħdmu, u jevita li r-relazzjoni tal-impjieg tkun f’riskju.

(7)

Fuq il-bażi tad-“Digriet tal-Gvern Nru 47/2020. (III. 18.)” (7) (kif emendat) kif imsemmi fit-talba tal-Ungerija tas-6 ta’ Awwissu 2020, l-awtoritajiet introduċew għadd ta’ miżuri relatati mat-taxxa. Minħabba li dawk il-miżuri jikkonsistu minn dħul mitluf għall-Gvern, dawn jistgħu jitqiesu li huma ekwivalenti għal nefqa pubblika.

(8)

L-awtoritajiet introduċew eżenzjoni mill-kontribuzzjonijiet tas-sigurtà soċjali u mill-imposta tat-taħriġ vokazzjonali tal-impjegati għall-perijodu minn Marzu sa Diċembru 2020, kif ukoll tnaqqis fit-taxxa ta’ kontribuzzjoni ta’ riabilitazzjoni għall-perijodu minn Marzu sa Ġunju 2020 għas-setturi l-aktar milquta mill-pandemija. Il-parti tan-nefqa totali relatata mal-kumpaniji li jnaqqsu jew iwaqqfu l-ħin tax-xogħol jew meta l-impjegati jkunu kontinwament fl-impjieg sa meta tintalab l-aħħar data tal-eżitu.

(9)

Ġiet introdotta eżenzjoni mir-reġim ta’ taxxa f’somma waħda f’daqqa għan-negozji ż-żgħar (“KATA”), għall-perijodu minn Marzu sa Ġunju 2020 għal kontribwenti tat-taxxa żgħar f’26 attività. Ġiet mitluba biss dik il-parti tan-nefqa relatata mal-appoġġ għal dawk li jaħdmu għal rashom u għall-kumpaniji b’membru wieħed. Il-miżura tista’ titqies bħala miżura simili għal skemi ta’ xogħol b’ħinijiet iqsar, kif imsemmija fir-Regolament (UE) 2020/672, peress li għandha l-għan li tipproteġi lil dawk li jaħdmu għal rashom jew kategoriji simili ta’ ħaddiema minn tnaqqis fl-introjtu jew it-telf tiegħu.

(10)

Fl-aħħar nett, b’rabta mal-miżuri relatati mat-taxxa, fis-setturi l-aktar milquta mill-pandemija, l-awtoritajiet eskludew il-kostijiet tal-persunal mill-bażi ta’ taxxa għall-impriżi żgħar (“KIVA”), għall-perijodu minn Marzu sa Ġunju 2020. Il-parti tan-nefqa totali relatata mal-kumpaniji li jnaqqsu jew iwaqqfu l-ħin tax-xogħol jew meta l-impjegati jkunu kontinwament fl-impjieg sa meta tintalab l-aħħar data tal-eżitu.

(11)

L-Unġerija introduċiet ukoll serje ta’ miżuri relatati mas-saħħa biex tindirizza t-tifqigħa tal-COVID-19. “Id-Digriet tal-Gvern Nru 275/2020. (VI. 12.)” (8), kif imsemmi fit-talba tal-Ungerija tas-6 ta’ Awwissu 2020, introduċa somma waħda f’daqqa ta’ HUF 500 000 għal kull persuna għal ħaddiema bħala rikonoxximent tax-xogħol żejjed tagħhom matul il-pandemija.

(12)

Kumpaniji tal-istat, li l-kostijiet tagħhom huma mġarrba mill-Istat, introduċew miżuri speċjali b’kostijiet korrispondenti biex jikkontrollaw il-pandemija. miżuri relatati mas-saħħa bħal dawn jinkludu t-tindif u d-dispożizzjoni ta’ tagħmir protettiv.

(13)

Fuq il-bażi tad-“Digriet tal-Gvern Nru 250/2014. (X. 2.) dwar id-Direttorat Ġenerali għall-Akkwist Pubbliku u l-Forniment (KEF)” (9), kif inhu msemmi fit-talba tal-Ungerija tas-6 ta’ Awwissu 2020, miżuri speċjali biex tiġi kkontrollata l-pandemija (bħal servizzi ta’ diżinfettar ta’ kuljum, kif ukoll tindif spiss ta’ sistemi tal-ventilazzjoni u liftijiet) u biex tiġi protetta s-saħħa personali ta’ uffiċjali pubbliċi b’diżinfettanti u għodod ta’ protezzjoni, irriżultaw f’żieda fil-kostijiet. Miżuri bħal dawn ġew introdotti mill-KFE biex jiġi żgurat it-tħaddim kontinwu ta’ korpi baġitarji pubbliċi.

(14)

Fl-aħħar nett, “Ir-Riżoluzzjoni tal-Gvern 1012/2020. (I. 31.) dwar it-Twaqqif ta’ Persunal Operattiv” (10) kif imsemmi fit-talba tal-Ungerija tas-6 ta’ Awwissu 2020, introduċiet miżuri relatati mal-infrastrutturi u l-investimenti fl-isptarijiet biex jiġi permess livell għoli ta’ protezzjoni tal-ħaddiema tas-saħħa u tal-pazjenti. Il-miżuri jinkludu kmamar għall-eżamijiet dedikati u swali iżolati tal-COVID. Barra minn hekk, il-kostijiet diretti ta’ għodod u tagħmir ta’ protezzjoni personali (maskri tal-wiċċ li jintużaw darba, ġagagi mediċi, tarki tal-plastik għall-wiċċ, ingwanti, diżinfettanti, eċċ.) fi sptarijiet u istituzzjonijiet oħra tal-kura tas-saħħa żdiedu biex jippermettu għal livell għoli ta’ protezzjoni tal-ħaddiema tal-kura tas-saħħa.

(15)

L-Ungerija tissodisfa l-kundizzjonijiet għat-talba ta’ assistenza finanzjarja stabbiliti fl-Artikolu 3 tar-Regolament (UE) 2020/672. L-Ungerija pprovdiet lill-Kummissjoni b’evidenza xierqa li n-nefqa pubblika attwali u ppjanata żdiedet b’EUR 639 500 000 mill-1 ta’ Frar 2020 minħabba l-miżuri nazzjonali meħuda biex jiġu indirizzati l-effetti soċjoekonomiċi tat-tifqigħa tal-COVID-19. L-ammont miżjud li huwa direttament relatat mal-miżuri t’hawn fuq li huma simili għall-iskemi ta’ xogħol b’ħinijiet iqsar jikkostitwixxu żieda għal għarrieda u qawwija minħabba li hija relatata ma’ miżuri ġodda u estensjoni tal-miżuri eżistenti, li jkopru proporzjon sinifikanti tal-impriżi u tal-forza tax-xogħol fl-Ungerija. L-Ungerija biħsiebha tiffinanzja EUR 113 740 000 tal-ammont miżjud ta’ nfiq permezz ta’ fondi tal-Unjoni.

(16)

Il-Kummissjoni kkonsultat lill-Ungerija u vverifikat iż-żieda għal għarrieda u qawwija fin-nefqa pubblika attwali u ppjanata direttament relatata mal-iskemi ta’ xogħol b’ħinijiet iqsar u miżuri simili, kif ukoll ir-rikors għall-miżuri rilevanti marbuta mas-saħħa relatati mat-tifqigħa tal-COVID-19, imsemmija fit-talba tas-6 ta’ Awwissu 2020, skont l-Artikolu 6 tar-Regolament (UE) 2020/672.

(17)

Miżuri relatati mas-saħħa, kif mitluba mill-Ungerija, u msemmija fil-premessi (11) sa (14), jammontaw għal EUR 268 550 000. Dan l-ammont jirrappreżenta aktar minn nofs it-total mitlub ta’ appoġġ finanzjarju. Minħabba l-bżonn li tiġi żgurata n-natura anċillari ta’ din il-kategorija ta’ miżuri, l-ammont tal-assistenza finanzjarja b’appoġġ għall-miżuri relatati mas-saħħa se jkun limitat għal EUR 247 124 000, biex l-ammont jirrappreżenta anqas minn nofs it-total ta’ assistenza finanzjarja.

(18)

Għalhekk jenħtieġ li tingħata assistenza finanzjarja bil-għan li l-Ungerija tiġi megħjuna tindirizza l-effetti soċjoekonomiċi tat-taqlib ekonomiku gravi kkawżat mit-tifqigħa tal-COVID-19. Jenħtieġ li l-Kummissjoni tieħu d-deċiżjonijiet rigward il-maturitajiet, il-qies u r-rilaxx tal-ħlasijiet parzjali u tal-partijiet f’kooperazzjoni mill-qrib mal-awtoritajiet nazzjonali.

(19)

Jenħtieġ li din id-Deċiżjoni tkun mingħajr preġudizzju għall-eżitu ta’ kwalunkwe proċedura relatata ma’ distorsjonijiet tal-operat tas-suq intern li tista’ titwettaq, b’mod partikolari skont l-Artikoli 107 u 108 tat-Trattat. Ma twarrabx il-ħtieġa li l-Istati Membri jinnotifikaw każijiet ta’ għajnuna potenzjali mill-Istat lill-Kummissjoni skont l-Artikolu 108 tat-Trattat.

(20)

Jenħtieġ li l-Ungerija tinforma lill-Kummissjoni fuq bażi regolari dwar l-implimentazzjoni tan-nefqa pubblika ppjanata, sabiex il-Kummissjoni tkun tista’ tivvaluta l-punt sa fejn l-Ungerija implimentat dik in-nefqa.

(21)

Id-deċiżjoni li tingħata assistenza finanzjarja ttieħdet b’kunsiderazzjoni tal-ħtiġijiet eżistenti u mistennija tal-Ungerija, kif ukoll it-talbiet għal assistenza finanzjarja skont ir-Regolament (UE) 2020/672 diġà ppreżentati jew ippjanati li jiġu ppreżentati minn Stati Membri oħra, filwaqt li jiġu applikati l-prinċipji ta’ trattament ugwali, solidarjetà, proporzjonalità u trasparenza,

(a)

appoġġ temporanju biex tittejjeb l-akkomodazzjoni fid-destinazzjonijiet turistiċi biex tinżamm il-forza tax-xogħol eżistenti, kif previst bir-“Riżoluzzjoni tal-Gvern 2080/2020 dwar l-iżvilupp nazzjonali ta’ akkomodazzjoni”, għall-parti tan-nefqa relatata mal-appoġġ ta’ dawk li jaħdmu għal rashom u ta’ kumpaniji b’membru wieħed;

(b)

appoġġ temporanju għal kumpaniji tal-ipproċessar tal-ikel, kif previst mid-“Digriet tal-Ministeru tal-Agrikoltura Nru 25/2020. (VI. 22.)”, għall-parti tan-nefqa relatata mal-appoġġ ta’ dawk li jaħdmu għal rashom u ta’ kumpaniji b’membru wieħed;

(c)

appoġġ temporanju għal kumpaniji ortikulturali fis-setturi tat-tkabbir ta’ għelejjel mhux perenni u ta’ propagazzjoni tal-pjanti kif previst mid-“Digriet tal-Ministeru tal-Agrikoltura Nru 26/2020. (VI. 22.)”, għall-parti ta’ nefqa relatata mal-appoġġ ta’ dawk li jaħdmu għal rashom u ta’ kumpaniji b’membru wieħed;

(d)

appoġġ temporanju għal kumpaniji ta’ trobbija tal-ħut, kif previst mid-“Digriet tal-Ministeru tal-Agrikoltura Nru 30/2020. (VI. 22.)”, għall-parti ta’ nefqa relatata mal-appoġġ ta’ dawk li jaħdmu għal rashom u ta’ kumpaniji b’membru wieħed;

(e)

l-estensjoni sat-30 ta’ Ġunju 2020, ta’ dawk il-benefiċċji għat-tħaris tat-tfal li skadew matul il-perijodu tal-istat ta’ allarm, kif previst mid-“Digriet tal-Gvern Nru 59/2020. (III. 23.)” u l-Artikolu 71 tal-“Att LVIII tal- 2020”;

(f)

is-sospensjoni tat-taxxa tal-kontribuzzjoni soċjali tal-impjegaturi f’ċerti setturi għall-perijodu minn Marzu sa Diċembru 2020, kif previst mill-punt (a) tal-Artikolu 4 tad-“Digriet tal-Gvern Nru 47/2020. (III. 18.)” (kif emendat), għal parti min-nefqa relatata ma’ kumpaniji li jnaqqsu jew iwaqqfu l-ħin tax-xogħol, jew meta l-impjegati kienu kontinwament fl-impjieg;

(g)

eżenzjonijiet mit-taxxa tal-kontribuzzjoni soċjali tal-impjegaturi f’ċerti setturi għall-perijodu minn Marzu sa Diċembru 2020, kif previst mill-punt (a) tal-Artikolu 4 tad-“Digriet tal-Gvern Nru 47/2020. (III. 18.)” (kif emendat), għal parti min-nefqa relatata ma’ kumpaniji li jnaqqsu jew iwaqqfu l-ħin tax-xogħol, jew meta l-impjegati kienu kontinwament fl-impjieg;

(h)

it-tnaqqis tat-taxxa tal-kontribuzzjoni ta’ riabilitazzjoni tal-impjegaturi f’ċerti setturi għall-perijodu minn Marzu sa Ġunju 2020, kif previst mill-punt (a) tal-Artikolu 4 tad-“Digriet tal-Gvern Nru 47/2020. (III. 18.)” (kif emendat), għal parti min-nefqa relatata ma’ kumpaniji li jnaqqsu jew iwaqqfu l-ħin tax-xogħol, jew meta l-impjegati kienu kontinwament fl-impjieg;

(i)

eżenzjoni tat-taxxa għal kontribwenti tat-taxxa żgħar mir-reġim ta’ taxxa f’somma waħda f’daqqa għan-negozji ż-żgħar (“KATA”), f’26 attività, għall-perijodu minn Marzu sa Ġunju 2020 kif previst mill-Artikolu 5 tad-“Digriet tal-Gvern Nru 47/2020. (III. 18.)” (kif emendat), għall-parti tan-nefqa relatata mal-appoġġ ta’ dawk li jaħdmu għal rashom u ta’ kumpaniji b’membru wieħed;

(j)

l-esklużjoni ta’ kostijiet ta’ persunal mill-bażi tat-taxxa tat-taxxa tal-impriżi ż-żgħar (“KIVA”) f’ċerti setturi għall-perijodu minn Marzu sa Ġunju 2020, kif previst mid-“Digriet tal-Gvern Nru 47/2020. (III. 18.)” (kif emendat), għal parti min-nefqa relatata ma’ kumpaniji li jnaqqsu jew iwaqqfu l-ħin tax-xogħol, jew meta l-impjegati kienu kontinwament fl-impjieg;

(k)

benefiċċju mogħti bħala somma waħda f’daqqa bħala rikonoxximent tax-xogħol żejjed tagħhom matul il-pandemija, kif previst mid-“Digriet tal-Gvern Nru 275/2020. (VI. 12.)”;

(l)

kostijiet relatati mal-miżuri speċjali biex tiġi kkontrollata l-pandemija introdotti f’kumpaniji sjieda tal-istat;

(m)

kostijiet relatati ma’ miżuri speċjali biex tiġi kkontrollata l-pandemija u biex titħares is-saħħa personali tal-uffiċjali pubbliċi kif previst mid-“Digriet tal-Gvern Nru 250/2014. (X. 2.) dwar id-Direttorat Ġenerali għall-Akkwist Pubbliku u l-Forniment (KEF)”;

(n)

kostijiet relatati mal-infrastruttura u l-investiment fi sptarijiet għal ħarsien ta’ livell għoli tal-ħaddiema tal-kura tas-saħħa u tal-pazjenti, kif previst mir-“Riżoluzzjoni tal-Gvern 1012/2020. (I. 31.) dwar it-Twaqqif tal-Persunal Operattiv”;

(o)

kostijiet diretti ta’ għodod u tagħmir għall-protezzjoni personali fi sptarijiet u f’istituzzjonijiet oħra għall-kura tas-saħħa għal ħarsien ta’ livell għoli tal-ħaddiema tal-kura tas-saħħa, kif previst mir-“Riżoluzzjoni tal-Gvern 1012/2020. (I. 31) dwar it-Twaqqif tal-Persunal Operattiv”.

(1)

F’konformità mal-Artikolu 16 tad-Direttiva 2014/53/UE tal-Parlament Ewropew u tal-Kunsill (2), it-tagħmir tar-radju li jkun konformi ma’ standards armonizzati jew ma’ partijiet minnhom, li r-referenzi tagħhom ikunu ġew ippubblikati f’Il-Ġurnal Uffiċjali tal-Unjoni Ewropea, irid ikun preżunt konformi mar-rekwiżiti essenzjali stabbiliti fl-Artikolu 3 ta’ dik id-Direttiva, koperti minn dawk l-istandards armonizzati jew minn partijiet minnhom.

(2)

Bid-Deċiżjoni ta’ Implimentazzjoni C(2015) 5376 (3), il-Kummissjoni għamlet talba lill-Kumitat Ewropew għall-Istandardizzazzjoni Elettroteknika (CENELEC) u lill-Istitut Ewropew tal-Istandards tat-Telekomunikazzjoni (ETSI) għall-abbozzar u r-reviżjoni tal-istandards armonizzati għat-tagħmir tar-radju b’appoġġ għad-Direttiva 2014/53/UE.

(3)

Abbażi tat-talba stabbilita fid-Deċiżjoni ta’ Implimentazzjoni C(2015) 5376, l-ETSI abbozza l-istandards armonizzati EN 303 213-5-1 V1.1.1, għar-riċevituri u għall-interrogaturi ta’ sistemi avvanzati ta’ gwida u ta’ kontroll tal-moviment fuq is-superfiċje, EN 303 345-2 V1.1.1 u EN 303 345-5 V1.1.1, għar-riċevituri tal-awdjo tax-xandir, u EN 303 364-3 V1.1.1, għar-radars primarji tas-sorveljanza.

(4)

Abbażi tat-talba stabbilita fid-Deċiżjoni ta’ Implimentazzjoni C(2015) 5376, l-ETSI wettaq reviżjoni tal-istandards armonizzati EN 301 908-2 V11.1.2, EN 301 908-13 V11.1.2, EN 302 217-2 V3.1.1 u EN 303 213-6-1 V2.1.1, li r-referenzi tagħhom huma ppubblikati fis-serje C ta’ Il-Ġurnal Uffiċjali tal-Unjoni Ewropea (4). Dan irriżulta fl-adozzjoni, rispettivament, tal-istandards armonizzati EN 301 908-2 V13.1.1 għal tagħmir tal-utenti għat-telekomunikazzjoni mobbli internazzjonali, EN 301 908-13 V13.1.1 għal tagħmir tal-utenti għall-aċċess bir-radju terrestri universali evolut, EN 302 217-2 V3.2.2 għal sistemi tar-radju fissi u EN 303 213-6-1 V3.1.1 għal sistemi avvanzati ta’ gwida u ta’ kontroll tal-moviment fuq is-superfiċje.

(5)

Il-Kummissjoni, flimkien mal-ETSI, ivvalutat jekk dawk l-istandards armonizzati jikkonformawx mat-talba stabbilita fid-Deċiżjoni ta’ Implimentazzjoni C(2015) 5376.

(6)

L-istandards armonizzati EN 303 213-5-1 V1.1.1 u EN 301 908-2 V13.1.1 jissodisfaw ir-rekwiżiti essenzjali li għandhom l-għan li jkopru u li huma stabbiliti fid-Direttiva 2014/53/UE. Għalhekk huwa xieraq li r-referenzi ta’ dawk l-istandards jiġu ppubblikati f’Il-Ġurnal Uffiċjali tal-Unjoni Ewropea.

(7)

Id-Deċiżjoni ta’ Implimentazzjoni C(2015) 5376 tipprevedi, fl-Anness II 3(3), li “il-prestazzjoni tar-riċevitur hija wkoll ta’ importanza partikolari għat-terminals mobbli, b’mod partikolari l-prestazzjoni tal-antenna, u għat-tagħmir ta’ komunikazzjoni użat fl-applikazzjonijiet tas-sikurezza tal-ħajja”. L-istandard armonizzat EN 301 908-13 V13.1.1 ma jinkludix speċifikazzjonijiet rigward il-prestazzjoni tal-antenna. Ir-referenza ta’ dak l-istandard armonizzat għalhekk jenħtieġ li tiġi ppubblikata f’Il-Ġurnal Uffiċjali tal-Unjoni Ewropea b’restrizzjoni.

(8)

In-nota 2 tal-Klawżola 4.3.2 tal-istandard armonizzat EN 302 217-2 V3.2.2 tista’ tippermetti lill-manifatturi jiddevjaw minn speċifikazzjonijiet oħra fl-istandard armonizzat li jikkonċernaw ir-Rata ta’ Żball tal-Bit (BER) u l-Klawżoli H.3.4, I.3.4 u J.3.4 ta’ dak l-istandard armonizzat ma jeħtiġux metodu ta’ ttestjar espliċitu biex tintwera l-konformità. Ir-referenza ta’ dak l-istandard armonizzat għalhekk jenħtieġ li tiġi ppubblikata f’Il-Ġurnal Uffiċjali tal-Unjoni Ewropea b’restrizzjonijiet.

(9)

Ir-Rakkomandazzjoni ITU-R SM.329-12 (09/2012) dwar emissjonijiet mhux mixtieqa fid-dominju mhux awtentiku tiddikjara li “għall-użu l-aktar ekonomiku u effiċjenti tal-ispettru tal-frekwenzi, huwa meħtieġ li jiġu stabbiliti limiti massimi ġenerali tal-emissjonijiet fid-dominju mhux awtentiku”. Ir-Rakkomandazzjoni 74-01 (2019) tal-ERC tiddikjara li “għall-finijiet ta’ studji speċifiċi ta’ kondiviżjoni jew kompatibbiltà, livelli aktar baxxi għall-emissjonijiet mhux mixtieqa fid-dominju mhux awtentiku jistgħu jintużaw biex tittejjeb l-effiċjenza tal-ispettru”. L-emissjonijiet tad-dominju mhux awtentiku huma konsegwentement rikonoxxuti bħala rilevanti għall-użu effiċjenti tal-ispettru, li huwa indirizzat fl-ambitu tal-Artikolu 3(2) tad-Direttiva 2014/53/UE. L-Anness C.3 tal-EN 303 345-2 V1.1.1 u l-Anness B.3 tal-EN 303 345-5 V1.1.1 jirrikonoxxu li l-emissjonijiet mhux mixtieqa tar-riċevitur fid-dominju mhux awtentiku huma rilevanti għall-Artikolu 3(2) tad-Direttiva 2014/53/UE. Madankollu, il-klawżola C.3.5 ta’ EN 303 345-2 V1.1.1 u l-klawżola B.3.5 ta’ EN 303 345-5 V1.1.1 jipprevedu li l-emissjonijiet mhux mixtieqa tar-riċevitur fid-dominju mhux awtentiku jkunu koperti minn standards oħra. Għalhekk jenħtieġ li r-referenzi tal-istandards armonizzati EN 303 345-2 V1.1.1 u EN 303 345-5 V1.1.1 jiġu ppubblikati f’Il-Ġurnal Uffiċjali tal-Unjoni Ewropea mingħajr restrizzjoni.

(10)

Il-premessa 2 tad-Deċiżjoni ta’ Implimentazzjoni C(2015) 5376 titlob li jkun hemm kooperazzjoni tajba mal-Konferenza Ewropea tal-Amministrazzjonijiet Postali u tat-Telekomunikazzjoni (CEPT), li ġiet ikkonsultata dwar l-aderenza ta’ dawn l-istandards armonizzati mar-Rakkomandazzjoni 74-01 (2019) tal-ERC dwar emissjonijiet mhux mixtieqa fid-dominju mhux awtentiku. Bi tweġiba, is-CEPT esprimiet il-fehma li l-illaxkar tal-applikabbiltà tar-Rakkomandazzjoni 74-01 (2019) tal-ERC jista’ jseħħ biss f’kundizzjonijiet tekniċi speċifiċi. Il-Klawżola 4.2.1.5 tal-EN 303 213-6-1 V3.1.1 u l-Klawżola 4.2.1.4 tal-EN 303 364-3 V1.1.1 jistgħu għalhekk jipprevedu l-preżunzjoni tal-konformità għal tagħmir tar-radju speċifiku biss. Ir-referenzi ta’ dawk l-istandards armonizzati għalhekk jenħtieġ li jiġu ppubblikati f’Il-Ġurnal Uffiċjali tal-Unjoni Ewropea b’restrizzjoni.

(11)

L-Anness I tad-Deċiżjoni ta’ Implimentazzjoni tal-Kummissjoni (UE) 2020/167 (5) jelenka r-referenzi tal-istandards armonizzati li jikkonferixxu l-preżunzjoni tal-konformità mad-Direttiva 2014/53/UE u l-Anness II ta’ dik id-Deċiżjoni ta’ Implimentazzjoni jelenka r-referenzi tal-istandards armonizzati li jikkonferixxu l-preżunzjoni tal-konformità mad-Direttiva 2014/53/UE b’restrizzjoni. Sabiex jiġi żgurat li r-referenzi tal-istandards armonizzati abbozzati b’appoġġ għad-Direttiva 2014/53/UE jiġu elenkati f’att wieħed, ir-referenza tal-istandards EN 303 213-5-1 V1.1.1 u EN 301 908-2 V13.1.1 jenħtieġ li tiġi inkluża fl-Anness I ta’ dik id-Deċiżjoni ta’ Implimentazzjoni u r-referenzi tal-istandards EN 301 908-13 V 13.1.1, EN 302 217-2 V3.2.2, EN 303 213-6-1 V3.1.1, EN 303 345-2 V1.1.1, EN 303 345-5 V1.1.1 u EN 303 364-3 V1.1.1 jenħtieġ li jiġu inklużi fl-Anness II ta’ dik id-Deċiżjoni ta’ Implimentazzjoni.

(12)

Skont l-ETSI, l-istandard armonizzat EN 303 339 V1.1.1, li r-referenza tiegħu hija ppubblikata fis-serje C ta’ Il-Ġurnal Uffiċjali tal-Unjoni Ewropea (6) , jenħtieġ li jitqies bħala skadut, peress li ma għadux jirrappreżenta l-aktar teknoloġija avvanzata.

(13)

Għalhekk jeħtieġ li jiġu rtirati r-referenzi tal-istandards armonizzati EN 301 908-2 V11.1.2, EN 301 908-13 V11.1.2, EN 302 217-2 V3.1.1 u EN 303 213-6-1 V2.1.1, peress li ġew riveduti, u tal-istandard armonizzat EN 303 339 V1.1.1, peress li jitqies bħala skadut, mis-serje C ta’ Il-Ġurnal Uffiċjali tal-Unjoni Ewropea (7). L-Anness III tad-Deċiżjoni ta’ Implimentazzjoni (UE) 2020/167 jelenka r-referenzi tal-istandards armonizzati abbozzati b’appoġġ għad-Direttiva 2014/53/UE li ġew irtirati minn Il-Ġurnal Uffiċjali tal-Unjoni Ewropea. Għalhekk, ikun xieraq li dawk ir-referenzi jiddaħħlu f’dak l-Anness. Sabiex il-manifatturi jingħataw biżżejjed żmien biex jippreparaw għall-applikazzjoni tal-istandards armonizzati EN 301 908-2 V13.1.1, EN 301 908-13 V13.1.1, EN 302 217-2 V3.2.2 u EN 303 213-6-1 V3.1.1, jeħtieġ li jiġi ddifferit l-irtirar tar-referenzi tal-istandards armonizzati EN 301 908-2 V11.1.2, EN 301 908-13 V11.1.2, EN 302 217-2 V3.1.1 u EN 303 213-6-1 V2.1.1. Sabiex il-manifatturi jingħataw żmien biex jippreparaw għall-irtirar tar-referenza tal-istandard armonizzat EN 303 339 V1.1.1, jeħtieġ li jiġi ddifferit l-irtirar tar-referenza ta’ dak l-istandard.

(14)

Il-konformità ma’ standard armonizzat tikkonferixxi l-preżunzjoni tal-konformità mar-rekwiżiti essenzjali korrispondenti li ġew stabbiliti fil-leġiżlazzjoni tal-Unjoni dwar l-armonizzazzjoni mid-data tal-pubblikazzjoni tar-referenza ta’ dan l-istandard f’Il-Ġurnal Uffiċjali tal-Unjoni Ewropea. Għalhekk, jenħtieġ li din id-Deċiżjoni tidħol fis-seħħ fil-jum tal-pubblikazzjoni tagħha,

(1)

l-Anness I huwa emendat f’konformità mal-Anness I ta’ din id-Deċiżjoni;

(2)

l-Anness II huwa emendat f’konformità mal-Anness II ta’ din id-Deċiżjoni;

(3)

l-Anness III huwa emendat f’konformità mal-Anness III ta’ din id-Deċiżjoni.

(1)

Il-faqar enerġetiku huwa sitwazzjoni fejn l-unitajiet domestiċi ma jkunux jistgħu jaċċessaw servizzi essenzjali tal-enerġija. Bi kważi 34 miljun Ewropew li ma jistgħux jaffordjaw li jżommu djarhom sħan b’mod adegwat fl-2018 (2), il-faqar enerġetiku huwa sfida ewlenija għall-UE.

(2)

Kif rikonoxxut mill-koleġiżlaturi, it-tisħin, it-tkessiħ, id-dawl u l-enerġija għall-alimentazzjoni ta' apparati elettriċi adegwati huma servizzi essenzjali li huma l-bażi ta’ standard deċenti ta’ għajxien u saħħa. L-aċċess għas-servizzi tal-enerġija huwa essenzjali għall-inklużjoni soċjali. Għalhekk, l-indirizzar tal-faqar enerġetiku għandu l-potenzjal li jġib miegħu għadd ta’ benefiċċji, inkluż inqas infiq fuq is-saħħa, inqas tniġġis tal-arja (bis-sostituzzjoni tas-sorsi tat-tisħin li mhumiex adatti għall-iskop tagħhom), titjib fil-kumdità u fil-benesseri, u titjib fil-baġits tal-unitajiet domestiċi. Flimkien, dawn il-benefiċċji jagħtu spinta diretta lit-tkabbir ekonomiku u lill-prosperità fl-Unjoni Ewropea.

(3)

Il-Pilastru Ewropew tad-Drittijiet Soċjali, ipproklamat b’mod konġunt mill-Parlament Ewropew, mill-Kunsill u mill-Kummissjoni fis-17 ta’ Novembru 2017, jinkludi l-enerġija fost is-servizzi essenzjali li kulħadd għandu d-dritt jaċċessa. Għandu jkun disponibbli appoġġ għall-aċċess għal dawn is-servizzi għal dawk fil-bżonn (3).

(4)

Tranżizzjoni ġusta lejn Unjoni newtrali għall-klima sal-2050 hija ċentrali għall-Patt Ekoloġiku Ewropew propost mill-Kummissjoni f’Diċembru 2019 (4). Wieħed mill-elementi ċentrali ta’ dan il-Patt Ekoloġiku huwa l-Mewġa ta’ Rinnovazzjoni (5), inizjattiva ewlenija mfassla biex tagħti spinta lir-rinnovazzjoni strutturali tal-bini privat u pubbliku u b’hekk jitnaqqsu l-emissjonijiet, jingħata spinta lill-irkupru u jiġi indirizzat il-faqar enerġetiku. Tali rinnovazzjoni strutturali għandha tgħin biex tagħti spinta lill-isforzi tal-UE fil-mitigazzjoni tat-tibdil fil-klima. Għal din ir-raġuni, ġie kkunsidrat li huwa vitali li l-Mewġa ta’ Rinnovazzjoni u din ir-Rakkomandazzjoni jiġu adottati b’mod konġunt sabiex jissaħħu b’mod reċiproku s-sejħiet biex jiġu indirizzati l-faqar enerġetiku u l-bini bl-agħar prestazzjoni.

(5)

Il-faqar enerġetiku huwa kunċett ewlieni konsolidat fil-pakkett leġiżlattiv intitolat “Enerġija Nadifa għall-Ewropej Kollha”, li huwa mfassal biex jiffaċilita tranżizzjoni enerġetika ġusta. Skont ir-Regolament (UE) 2018/1999 tal-Parlament Ewropew u tal-Kunsill (6) (“ir-Regolament ta’ Governanza”) u d-Direttiva dwar l-Elettriku riformulata, il-Kummissjoni hija meħtieġa tipprovdi gwida indikattiva dwar indikaturi xierqa għall-kejl tal-faqar enerġetiku (7) u dwar id-definizzjoni ta’ “għadd sinifikanti ta’ unitajiet domestiċi f’faqar enerġetiku” (8). Għad ma hemmx definizzjoni standard tal-faqar enerġetiku, u għalhekk, huwa f’idejn l-Istati Membri li jiżviluppaw il-kriterji tagħhom skont il-kuntest nazzjonali tagħhom. Madankollu, il-pakkett leġiżlattiv li ġie adottat dan l-aħħar jipprovdi prinċipji ġenerali u ideat utli dwar il-kawżi u l-konsegwenzi possibbli tal-faqar enerġetiku. Dan jenfasizza wkoll l-importanza tal-politiki li jindirizzaw il-problema, speċjalment dawk assoċjati mal-pjanijiet nazzjonali għall-enerġija u l-klima (“NECPs”) u mal-istrateġiji ta’ rinnovazzjoni fit-tul (“LTRSs”) (9).

(6)

Fl-NECP tagħhom, l-Istati Membri jridu jivvalutaw l-għadd ta’ unitajiet domestiċi f’faqar enerġetiku. F’każ li Stat Membru jsib li għandu għadd sinifikanti ta’ unitajiet domestiċi f’faqar enerġetiku, għandu jinkludi fil-pjan tiegħu objettiv nazzjonali kif ukoll politiki u miżuri biex jitnaqqas il-faqar enerġetiku. Fil-kuntest tal-ħames rapport tal-Istat tal-Unjoni tal-Enerġija, il-Kummissjoni qed tippubblika dokumenti ta’ ħidma tal-persunal għal kull Stat Membru li jinkludu valutazzjonijiet individwali ta’ kull NECP finali. Dawn id-dokumenti ta’ ħidma tal-persunal jivvalutaw ukoll kif il-pjanijiet finali jindirizzaw ir-rakkomandazzjonijiet relatati tal-Kummissjoni tal-2019, inkluż dwar il-faqar enerġetiku u jinkludu gwida dwar l-implimentazzjoni tal-NECP.

(7)

Id-Direttiva dwar l-Elettriku riformulata teħtieġ li l-Istati Membri jieħdu miżuri xierqa biex jindirizzaw il-faqar enerġetiku kull fejn dan jiġi identifikat, inkluż miżuri li jindirizzaw il-kuntest usa’ tal-faqar. L-Istati Membri jridu wkoll jipproteġu lill-klijenti vulnerabbli, b’mod partikolari dawk f’żoni remoti. Id-Direttiva 2009/73/KE tal-Parlament Ewropew u tal-Kunsill (10) fiha dispożizzjonijiet simili.

(8)

Novità fil-qafas leġiżlattiv il-ġdid hija li jeħtieġ li jiġi determinat l-għadd ta’ unitajiet domestiċi f’faqar enerġetiku. L-Artikolu 29 tad-Direttiva dwar l-Elettriku riformulata jirreferi għall-obbligu tal-Istati Membri li jivvalutaw l-għadd ta’ unitajiet domestiċi f’faqar enerġetiku u jiddikjara li jridu jistabbilixxu u jippubblikaw il-kriterji li fuqhom tissejjes din il-valutazzjoni. Fejn hemm għadd sinifikanti ta’ unitajiet domestiċi bħal dawn, l-Istati Membri jridu jinkludu fil-pjanijiet nazzjonali tagħhom dwar l-enerġija u l-klima, objettiv indikattiv għat-tnaqqis tal-faqar enerġetiku, jipprovdu limitu ta’ żmien, u jiddeskrivu l-politiki rilevanti. Huma mbagħad meħtieġa jirrapportaw lill-Kummissjoni, f’konformità mar-Regolament ta’ Governanza, dwar kwalunkwe progress li jagħmlu biex jilħqu l-objettiv li jitnaqqas l-għadd ta’ unitajiet domestiċi f’faqar enerġetiku.

(9)

Id-Direttiva dwar l-Effiċjenza fl-Enerġija 2012/27/UE tal-Parlament Ewropew u tal-Kunsill (11), kif emendata bid-Direttiva (UE) 2018/2002 (12), teħtieġ li l-Istati Membri jikkunsidraw il-ħtieġa li jnaqqsu l-faqar enerġetiku fil-kuntest tal-obbligi tagħhom tal-effiċjenza fl-enerġija. L-Artikolu 7(11) jeħtieġ, sa fejn ikun xieraq, sehem mill-miżuri tal-effiċjenza fl-enerġija biex l-unitajiet domestiċi vulnerabbli jiġu indirizzati bħala prijorità, inklużi dawk milquta mill-faqar enerġetiku (13). Ir-Regolament dwar il-Governanza fih ukoll obbligi simili.

(10)

Skont il-verżjoni riveduta tad-Direttiva dwar ir-Rendiment tal-Bini fl-Użu tal-Enerġija (UE) 2018/844, l-Istati Membri jridu jiddeskrivu l-miżuri nazzjonali rilevanti biex jgħinu jtaffu l-faqar enerġetiku, bħala parti mill-istrateġiji ta’ rinnovazzjoni fit-tul tagħhom biex jappoġġjaw ir-rinnovazzjoni tal-istokk nazzjonali ta’ bini residenzjali u mhux residenzjali (14).

(11)

Il-qafas leġiżlattiv tal-UE fih ukoll salvagwardji biex jiġi żgurat li l-miżuri meħudin biex jiġi indirizzat il-faqar enerġetiku ma jfixklux il-ftuħ jew l-operat tas-suq. Swieq bl-imnut li joperaw mingħajr xkiel huma essenzjali għal tranżizzjoni ġusta. Dawn is-salvagwardji huma minquxa fl-Artikolu 28 tad-Direttiva dwar l-Elettriku riformulata u huma operazzjonalizzati prinċipalment fl-Artikolu 5(5) tagħha.

(12)

L-Artikolu 27 tad-Direttiva dwar l-Elettriku riformulata jsaħħaħ il-prinċipju billi jirrikjedi li l-Istati Membri jiżguraw li l-klijenti kollha tal-unitajiet domestiċi u, fejn l-Istati Membri jqisu xieraq, l-intrapriżi żgħar, igawdu minn servizz universali, jiġifieri d-dritt li jiġu pprovduti b’elettriku ta’ kwalità speċifikata fit-territorju tagħhom bi prezzijiet raġonevoli, komparabbli faċilment u b’mod ċar, trasparenti u nondiskriminatorji. Biex ikun żgurat il-forniment ta’ servizz universali, l-Istati Membri jistgħu jaħtru fornitur bħala l-aħħar għażla tagħhom.

(13)

Kif irrikapitolat fil-Premessa 59 tad-Direttiva dwar l-Elettriku riformulata, il-faqar enerġetiku jirriżulta minn taħlita ta’ introjtu baxx, infiq kbir fuq l-enerġija, u faqar fl-effiċjenza fl-enerġija tal-abitazzjonijiet. L-impatt tal-prezzijiet volatili tas-suq tal-enerġija u ta’ effiċjenza fl-enerġija baxxa, speċjalment f’termini tal-prestazzjoni tal-bini, flimkien ma’ firxa wiesgħa ta’ fatturi soċjoekonomiċi assoċjati mal-faqar ġenerali u kwistjonijiet li jirriżultaw mis-sistemi tal-pussess ta’ akkomodazzjoni, jagħmlu l-kwistjoni waħda kumplessa biex tiġi indirizzata.

(14)

Fl-2018, 6,8 % tan-nies li jgħixu f’unitajiet domestiċi privati fl-UE (30,3 miljun persuna (15)) ma setgħux ilaħħqu mal-kontijiet tal-utilitajiet, inkluż mal-kontijiet tal-enerġija, u għalhekk kienu f’riskju li jkollhom il-provvista tagħhom maqtugħa. Sadanittant, 7,3 % tal-popolazzjoni tal-UE (37,4 miljun persuna) esperjenzaw temperaturi ambjentali skomdi fi djarhom.

(15)

Il-kriżi tal-Covid-19 enfasizzat l-urġenza li jiġi indirizzat il-faqar enerġetiku jekk irridu noħolqu Ewropa soċjali li taqdi l-ħtiġijiet tal-abitanti kollha tagħha. Il-livelli tal-faqar enerġetiku fl-Istati Membri se jkunu fiċ-ċentru tal-attenzjoni hekk kif aktar Ewropej jistgħu jkollhom diffikultà biex jaffordjaw aċċess għall-enerġija essenzjali, b’mod partikolari minħabba l-qgħad li qed jiżdied. F’dan l-isfond, huwa vitali li jintlaħqu l-objettivi tal-Patt Ekoloġiku Ewropew, minkejja t-tfixkil bla preċedent attwali fl-ekonomiji tal-Ewropa.

(16)

Il-Pakkett għall-Irkupru Next Generation EU (16) ġie ppreżentat biex “jiggwida u jibni Ewropa aktar sostenibbli, reżiljenti u aktar ġusta għall-ġenerazzjoni li jmiss”. Il-pjanijiet ta’ rkupru tal-Ewropa jridu jkunu ggwidati mill-prinċipji tas-sostenibbiltà ambjentali, tas-solidarjetà, tal-koeżjoni u tal-konverġenza u bid-determinazzjoni li ma jitħalla barra l-ebda Stat Membru, reġjun jew individwu. Next Generation EU jikkonferma r-rwol tal-Mewġa ta’ Rinnovazzjoni bħala faċilitatur ewlieni wieħed tal-irkupru ekoloġiku.

(17)

L-istrateġiji nazzjonali ta’ rinnovazzjoni fit-tul u strumenti oħra mfassla biex jilħqu l-miri tal-effiċjenza fl-enerġija tal-2030 u l-2050 għandhom jiġu ggwidati lejn il-protezzjoni tal-unitajiet domestiċi li huma foqra fl-enerġija u għandhom jagħtu s-setgħa lill-konsumaturi vulnerabbli tal-enerġija billi jgħinu lin-nies jiffrankaw il-flus fuq il-kontijiet tal-enerġija, jipprovdu kundizzjonijiet ta’ għajxien aħjar u jnaqqsu l-faqar enerġetiku.

(18)

L-identifikazzjoni tal-unitajiet domestiċi l-aktar fil-bżonn ta’ protezzjoni u tal-abitazzjonijiet l-aktar fil-bżonn ta’ rinnovazzjoni tgħin biex jiġu mmirati u ġestiti aħjar l-interventi pubbliċi, u b’hekk jiġu prodotti riżultati prattiċi għall-konsumaturi, titjieb l-effiċjenza fl-enerġija, u tiġi minimizzata kwalunkwe distorsjoni fil-funzjonament tas-suq intern tal-enerġija.

(19)

Hija u tipprovdi din ir-Rakkomandazzjoni u tagħmel il-gwida tal-Kummissjoni dwar il-faqar enerġetiku disponibbli għall-Istati Membri f’dokument ta’ ħidma tal-persunal li jakkumpanjaha, il-Kummissjoni tkun qed tissodisfa l-obbligu msemmi hawn fuq u tkun qed tgħin lill-Istati Membri jittrasponu d-dispożizzjonijiet il-ġodda dwar il-faqar enerġetiku. Il-Kummissjoni tipprovdi wkoll informazzjoni dwar prattiki tajbin emerġenti (17).

(20)

Id-diffikultà ewlenija għal kwalunkwe definizzjoni hija kif tinkiseb data numerika affidabbli. Ġie żviluppat sett ta’ indikaturi statistiċi li jkejlu l-ixprunaturi possibbli tal-faqar enerġetiku u l-konsegwenzi tiegħu fil-livell tal-UE. Dawn huma indikaturi aggregati. Peress li l-faqar enerġetiku huwa fenomenu multidimensjonali, l-ebda indikatur uniku ma jista’ jirrifletti bis-sħiħ l-aspetti kollha tiegħu.

(21)

Ġew żviluppati indikaturi aggregati fil-livell Ewropew u huma elenkati fl-Anness ta' din ir-Rakkomandazzjoni. Żviluppati mill-Uffiċċju tal-Istatistika tal-Unjoni Ewropea (“EUROSTAT”) u mill-Osservatorju Ewropew tal-Faqar Enerġetiku (“EPOV”) u miksubin minn ġabriet tad-data tal-UE armonizzati, dawn l-indikaturi jippermettu li s-sitwazzjoni fl-UE kollha tkun immonitorjata u li jiġu identifikati speċifiċitajiet nazzjonali, kif ukoll li jiġi promoss tagħlim reċiproku u skambji tal-aħjar prattika aktar effiċjenti. L-indikaturi nazzjonali jistgħu jgħinu biex dawn jiġu kkumplimentati u biex jirfinaw l-identifikazzjoni tal-faqar enerġetiku, fejn rilevanti.

(22)

Dan jeħtieġ kooperazzjoni mill-qrib bejn l-awtoritajiet kompetenti rilevanti, u b’mod partikolari sforzi koordinati sew fil-livelli reġjonali u lokali, sabiex kwalunkwe analiżi bbażata fuq indikaturi fil-livell tal-UE jew nazzjonali tiġi kontroindikata u kkumplimentata b’approċċ minn isfel għal fuq. L-awtoritajiet reġjonali u lokali jinsabu f’pożizzjoni tajba biex jidentifikaw l-isfidi finanzjarji u soċjali ewlenin li qed jaffaċċjaw l-unitajiet domestiċi fil-faqar enerġetiku u biex ikollhom rwol sinifikanti fit-tfassil u fl-implimentazzjoni ta’ tranżizzjoni ekoloġika li hija ġusta, inklużiva u sostenibbli għal kulħadd fl-Ewropa.

(23)

Il-Kummissjoni se tkompli tappoġġja l-iskambju ta’ prattiki tajbin bejn l-Istati Membri, kemm b’kooperazzjoni mal-Kumitat tal-Protezzjoni Soċjali kif ukoll b’modi oħra. Il-programmi ta’ finanzjament tal-UE, inkluż il-politika ta’ koeżjoni, l-Istrument ta’ Appoġġ Tekniku u forom oħra ta’ appoġġ jistgħu jiġu mmobilizzati biex jindirizzaw l-isfidi identifikati permezz ta’ kanali li jinkludu l-pjattaformi pprovduti mill-Osservatorju Ewropew tal-Faqar Enerġetiku u l-Inizjattiva tal-Patt tas-Sindki.

(24)

Ir-raba’ rapport tal-Kummissjoni Ewropea dwar il-prezzijiet u l-ispejjeż tal-enerġija jħares ukoll lejn iċ-ċirkostanzi partikolari tan-nies li jgħixu fil-faqar enerġetiku u tal-konsumaturi vulnerabbli (18). Il-Kummissjoni se tagħti attenzjoni partikolari wkoll għal kif l-Istati Membri jimplimentaw l-Artikolu 5 tad-Direttiva dwar l-Elettriku riformulata, li jippermetti l-intervent pubbliku fl-iffissar tal-prezzijiet għall-provvista tal-elettriku lil klijenti li huma foqra fl-enerġija jew dawk li jgħixu f’unitajiet domestiċi vulnerabbli.